蛋白燉奶

一向喜歡食蛋白燉奶，但外面食到的越來越不合我意， 有的太嚡, 有的太甜, 有的太稀, 有的不夠熱， 現在自己都做到最好味的，以後再也不用出街食了

材料 (一人份，剛好是一個Le Creuset 250ml燉杯份量)

蛋白 1隻(約36g)
北海道牛奶 120ml
砂糖1包 8g

做法

1. 將牛奶和砂糖攪拌至砂糖溶入於牛奶, 再加入蛋白慢慢拌勻，過篩倒入燉杯中，蓋上杯蓋。

2. 取一鍋加入小量的水，放入蒸格，於水燒至沸騰時放入燉杯，以小火(1號)蒸10分鐘，關火後再燜約2分鐘即成. 

上網睇過多十幾個蛋白燉奶既食譜， 最後參考了偽主婦ki琪和甜琛廚房， 整理出一個適合我自己的最簡單食譜。

睇個食譜都知道做法非常簡單， 但點解外面唔係咁容易做得出好食又合我意既蛋白燉奶呢? 我一共做了三次。第一次嘗試去做，做了一杯非常成功，好好味。 第二次做了兩杯, 但反而不給第一次好味和滑嫩。 今次第三次做，做了兩杯，非常好味, 滑溜溜, 熱lala。 

所以我的心得是, 新鮮和用心機。 雖然材料都是在超級市場買， 但第二次用的牛奶已開了，放在雪櫃幾天， 雞蛋也買了幾天， 但第一次和第三次，都是當天買當晚做, 食時才開.

另外最重要是過篩， 但我用最密的篩， 差不多一滴一滴滴出來， 間唔中要用匙按下和撥走   過不到的蛋白， 加快速度, 所以係心機之作, 而且新鮮整好即食, 不可攤涼.。