1502 Life Goes On

01: 黑松露醬蛋炒扁意粉伴海膽. 手忙腳亂, 亂煮一通， 扁意粉先煮熟備用 ，下油落鍋燒熱，下洋蔥炒熟 ，下扁意粉再炒一會， 熄火， 下黑松露醬和雞蛋趁熱拌勻， 上碟再拌上海膽

02: 同Alan & Ronald ( 新來的UI designer) 去左好耐冇去既牧羊少年餐廳食午餐, 無訂位， 但安排左俾我地留下對著窗的座位我覺得係全餐廳最舒服的位置， 又同兩個年輕人傾下計， 心情都不錯。

03: 放工已經好攰呀唔想煮，MM買壽司食, 再買d清菜烚來食.
剛剛睇fb, 先知道原來香港都有cp譜飛心心買. 而家冇咁既時間同精神去排幾個鐘買， 不過就算有都唔會去排， 有機會先買啦, 我已經有個紅色心心buffet, 當時係別府一間local department store無意中見到呢個defect產品, 只住7000 yen, 當時匯率係10.3, 都只係七百幾蚊， 咁都比我碰到就叫做緣分， 所以還是有緣時再買。

04: 今天請病假在家休息一天, 現在真係唔可以等到好攰或者病先請病假, 否則就可能唔只請一天， 更加影響工作進度， 健康最緊要。 午餐簡簡單單煮左個芥蘭綠茶麵， 再用Airfryer左一塊豬扒， 180度每面5分鐘，好味！
上網見到英國有一個白色碎花LC pot, 都幾鍾意, 但都係個句, 有緣就買喇

05: 星期四放工, 去尖沙咀逛逛街同埋睇戲, 所有粉紅心心浦飛已經買曬, 係city super看一些日本威士忌, 同一些做麵包的矽膠豬仔模， 好可愛， 下次去日本在找找。 因為8點要睇戲沒有多少時間食飯，在金巴利道見到有間佳記餐廳， 估唔到有驚喜， 食左個海南雞飯同埋豬軟骨炒飯加 飲品 ， 都好好味， 份量又多，坐得又舒服，只係$121. 看了Birdman, 因之前沒有睇過任何內容介紹和影評, 完全不知自己會看什麼,  因為不像一般電影以比較直線單一的敘事方法容易跟從， 反而是多線交錯， 開頭看有點亂， 但睇完之後兩個鐘頭, 已完全投入。 全部的演員表都很精彩， 令我看得入迷。 雖然放工已很攰, 但並不覺得悶, 拍攝手法很多都以自己真人眼中去看， 所以比較寫實， 也自我中心， 體會到很多年華老去，生活迫人的無奈。 另一個想法就是， 雖然我們不是 劇中的演員去式現專業的舞臺演員身份， 但很多時 即使 我們是普通人 ， 但因為不同的原因或身份， 人前人後也可能以不同的面目示人， 也未必能完全自我， 可以想說的就說，想做的就做呢?

06: happy friday lunch with my two best friends in LF

07: 週末屋企大休， 追下星星，facebook 既 post， 同埋執下手機裏面既相

08: 星期日, 繼續係屋企追星. 下就痛同偉去poker食左個午餐， 真係唔得， 148蚊既豬扒沙律餐， 哥沙律雖然同快餐店已經夠溝了醬的沙律一樣， 價錢升咗，質素差曬，blacklisted

09: 帶左係晴空塔買的香蕉蛋糕返公司 開完會請同事食， 真係好可愛。 晚上終於睇完最後3集星星

13: Happy Friday lunch w team. 臨放工 終於趕到去HIVE, 希望可以捐到血, 但同護士傾完， 如果食藥至少要停一個星期， 我只係停左30小時， 而且基本上佢地唔接受要長期食藥既人捐血， 所以短期來我都冇希望再捐血救人。

14: 呢個星期做嘢攰到死， 情人節節目就係休息同埋執番一個舒服既屋企☺. 本來晚上都想係屋企煮野食， 但都因為太累決定出去食一壽司， 晚上係屋企睇左高海拔之戀。 下午去置樂買黑米, 剛好May 又係個邊, 帶我去左呢間錦記雜貨原來都好多嘢買下次再去睇下。 晚上去吉之島超市又遇到Cilia, 大家都幾有緣

15: Ant-made All Day Breakfast. 過去這個星期忙忙忙， 精神同身體一直好攰， 做咩都冇乜心機。 今日終於有番d時間和精神，不過都搞左成朝， 早餐變左午餐！
其實有健康同閒情， 已經係上天比我地最好的禮物！
原來看似簡單既早餐都唔容易整, 都係寫番低，幫自己做個記錄下次整好d:
藍莓乳酪， 龍堡脆皮法蘭克福腸，
茄汁焗豆， 芝士焗番茄， 炒滑蛋， 厚多士w. 三色醬- 牛油,蜜糖,鵝肝醬, Rocky Mountaineer Breakfast Tea
煮後檢討: 唔夠熱, 因為 我 逐樣野煮, 煎腸，焗蕃茄烘多士都係用airfryer, 跟住先至用微波爐叮焗豆, 再用鑊炒蛋. 下次既次序係, 牛油，鵝肝醬先從雪櫃拿出來待室溫備用， 預備茶具食具， 預備藍莓乳酪 ， 預熱焗爐， 預熱 airfryer，set 枱, 打蛋， 準備鑊炒蛋， 切麵包, 預備焗豆, 切好蕃茄加芝士， 切好脆皮腸， 三樣全部放進焗爐焗盤， 開始焗八至十分鐘， 用airfryer開始烘多士每塊約4至5分鐘， 加熱油 開始 炒蛋, 最後一齊上碟, 食得!

18: 除夕夜同家人團年， 又終於趕到買年花， 著住 新睡衣， 迎接羊年！
祝願我同我既家人朋友， 都有健康同平安, 開心幸福地生活!

19: 今日大年初一， 上午執左一陣屋， 下午嬸嬸來拜年， 屋企突然多左好多人氣。 一齊打深圳麻雀 ， 本來諗住去食飯， 最後之係叫pizza，之後又再有竹戰。 我係大輸家500蚊 ， 但其實又係大贏家 ， 因為佢地贏錢尤其係嬸嬸贏錢會開心，咁我都會覺得開心。 不過個人真係好攰好攰 ， 睇黎幾日都要好好休息一下

20: 年初二一早起身有頭痛， 今日應該都知可以休息。 中午煲左個番茄蛋花肉丸湯， 配昨日既至尊pizza， 簡單d好

21: 冬天愛著男裝款既格仔睡衣， 一直想換一批新的 但找不到合心水， 今次旅行有緣找到， 居然有XS, size岩岩好,  領口袖口袋位都有藍邊包著， 褲子有橡筋又有綁繩仲有袋， 一邊領口有個小 鈕扣孔裝飾， 唔實際但我就是最愛這些 detail位， 看出設計的心思， 大愛！

22: 初四去左那位朋友屋企拜年, 開左之響, 果然不同凡響, 雖然我唔可以飲但係聞到都好香醇。 晚上再次到大角咀呢間金柚泰國菜館， 燒雞, 三味魚 鐵板 蠔仔煎 全部野都好好味。
初四去左朋友屋企拜年, 開左枝響, 果然不同凡響, 雖然我唔可以飲但係聞到都好香醇。 晚上又再次到呢間泰國菜館， 全部野都好好味， 特別係燒雞, 三味魚， 鐵板 蠔仔煎 ， 生蝦刺生個公仔仲好可愛 ， 再三回味 。

23: 初五開工大吉。 中午請一班同事9人一齊去飲茶, 祝大家工作順利愉快

24: 今日中午 同阿Faye, joyce, andy, iman, Nicholas, Ricky, Ronald 係Amuse食左羊年快樂午餐

25: 又要搬office, 執野執到又頭痛， 2月差唔多隔日就頭痛或者發作，真係有d擔心。 今日收到個whatsapp， 係淑儀祝我新年快樂， 之前因為冇左手機無曬佢地既聯絡， 好開心終於搵番d小學同學啦

26: 搬左去新office, 呢兩日pack左八箱野， 今日unpacked六箱, 真是累透了. Nicholas請食開工飯, 去pokker食午餐之後叫左個blueberry cheesecake真係好飽. 中午起就沒有再收到偉whatsapp, 自己一來累透了, 二來也想控制一下, 習慣下獨個人生活。

27: 星期五放工, 去捧Joey場! 估唔到兩個鐘頭既舞台劇咁快就過，Good show! 睇完之後, 偉提議去綠林食糖水， 估唔到遇到亞J, 特登 約食飯反而 約到，居然咁啱遇到！ 我地食左新上市既栗子露, 同埋即叫即整的蛋白質杏仁茶, sweet sweet, 其實要dum 我開心，都好簡單啫

28: 睇番二月的日記， 原來除左有一晚出去朋友屋企拜年之外， 所有既假期同週末六日， 全部都係留係屋企休息。 2月身體唔係好穩定， 希望三月有多d精神同體力出去走走。

1501 Life Goes On

01: 1月1日, 早餐食左妹妹 午夜兩點從九州帶返你嘅北海道芝士蛋糕, 佢上次係北海道買唔到，估唔到今次九州 北海道美食節 買到, 我記得對上一次我都係係東京既北海道美食節買. 呢個芝士蛋糕真係好好味，軟綿綿 但又有芝士蛋糕的質感，勁有芝士味但同時又有牛奶味， 不過化的朱古力蛋糕就比較一般，可能我地食慣太多好好味既朱古力， 真係麻煩，返唔到轉頭。 不過最好味既，其實係講番心意。 黑色車保鮮期有限141賞味時間唔可以公諸同好。 之後就在屋企休息， 尋日除夕倒數電話後執番號 屋企

2015願望x2014回顧

轉眼間已到2015年, 回顧 2014的願望, 睇下有幾多實現到.

2014最大願望當然係身體健康, 所以健康上訂既第一目標就係早睡早起, 適量運動, 均衡飲食:

1.       早睡早起 –要每天睡8小時: 起碼80%日子, 盡量12am前睡, 8am 起身 (這個其實最難)

回顧: 最簡單也是最難, 應該只係做到40%, 要帶到2015年約束下自己, 畢竟身體健康是最重要, 乖d啦, 早睡早起身體好呀!

2.       適量運動 - 每天做瑜珈伸展運動15 – 30分鐘: 起碼80%日子. 一個月行一次山, 全年起碼8次 , 夏天抖暑游泳, 全年起碼8次.

回顧: 每天做瑜珈伸展運動15 – 30分鐘:  應該有70%日子, 15 年要再努力 點.

今年1月去左大棠睇紅葉, 4月去左泰國Pai行左小型大峽谷, 9月去左雁山行山, 11月 行獅子山 龍脊行山, 聖誕節去左湖南莽山行足2日山

Terminal 21 游左第一次水，東涌游左3次水, 南浪海灣游了一次， 六月第一次跟朋友去了海下爬獨木舟， 跟住又去了3次，原本毛自己都有興趣玩左屯門既一星訓練班，8月娥眉洲浮潛, 11月沖繩真田榮岬浮潛.

仲有好似去左兩次南生圍踩單車, 一次東涌踩單車睇飛機降落, 也在泰國清邁Pai踩了一會, 和台中東豐自行車道踩了一整天.

今年飛左3次, 復活節去左泰國清邁+Pai, 十月生日去左台中, 11月去左沖繩, 三個地方都係第一次去, 再加三個大陸小旅行， 三月去左增城浸溫泉, 九月去左雁山行山, 聖誕節去左湖南莽山 國家森林公園, , 仲有一個深圳歡樂海岸一天美食遊不算在內, 2014都去左共6個小中型旅行.

總括來說, 第二個目標 - 適量運動, 都算超額完成.

3.       均衡飲食 – 盡量自己煮, 食天然新鮮食材, 一星期煲一次湯, 一個月煮一次大餐比至愛親朋食

回顧: 呢個有50%做到啦， 以我以前只識食唔識煮所以極少在家煮野食， 毫無廚藝可言,  呢個都算係咁啦！ 今年身體仍然差，頭腦也不太清醒， 加上長期要食藥，放工真是很攰很攰， 無可能煮, 只會在有精神的假期中才會煮. 農曆新年設計左一個九道菜的菜單, 一心諗住煮俾屋企人食， 但小學雞廚藝的我， 實在太高估要煮10人大餐所需要的能力和體力 ， 搞到一頭煙。

勉強無幸福，既然自己未夠班, 都係煮d簡單既, 不能給自己太大壓力，年頭即使煮個二人餐, 有時都要兩個鐘, 但真係有少少進步, 回顧一年, 都煮到一些可口的食物: 香煎蛤仔肉眼扒伴鮮橙水晶梨沙律， 三色菜芝士蛋批， 日式壽喜燒， 檸檬/粟米薏米水, 三文魚頭湯, 焗三文魚柳配炒雜菜南瓜蓉， 三色椒紫洋蔥火龍果沙律， 南瓜蒸排骨， 帶子刺生秋葵綠茶冷麵， 蛋白燉奶， 秋葵蒸蛋，涼瓜煮蜆，煨番薯，燒南瓜三文魚扣， 芒果布甸，龍蝦湯，Pepper Lunch

早餐精選: 蘿蔔絲三色椒提子沙律, 提子藍莓乳酪, 北海道牛奶麥皮

有待改進的: 南瓜湯 日式芝士蛋糕, 手揉麵包

除夕晚餐只有幾個朋友在家倒數， 簡簡單單 六道菜既小學雞懶人大餐:
蕃茄芝士菜沙律
黑松露忌廉靈芝菇濃湯
焗羊架
整個蕃茄芝士飯
蛋白燉奶
花花果碟

可以輕輕鬆鬆一路煮一路同大家傾計, 其實不一定要珍饈百味， 或要高超廚藝既大餐( 呢d留番出街食啦) ， 最重要是朋友感受到你用心煮給他們吃的, 當然不能太難食或等得太久, 除夕夜的溫暖晚餐，雖然不是什麼名貴特別, 希望可給朋友帶來溫馨的味道， 難忘的回憶 。

Spanish Wine Tasting Dinner

這是一間secret restaurant, 不是太出名, 環境寧靜不多人, 每次到訪都非常享受, 所以決定今年偉少生日就來這裡, 結果當然沒有失望, 甚至有意外收獲.

不要做死前最後悔的五件事

1. 我希望我能過屬於自己的人生

「我真希望當時我有勇氣過自己喜歡的人生，而不是他人眼中期待的我」
小時候的我們勇敢做夢，
但絕大多數的人在長大之後，都對年輕時的夢想嗤之以鼻，
覺得自己未免太不切實際。

一直到死前那一刻，才後悔自己沒有勇敢嘗試，
把自己的時間浪費在去達成別人心目中的美好樣子，
卻過了一個自己根本不喜歡的人生。

2. 我希望我不要這麼努力工作

「我好後悔我當初那麼發了瘋似的工作，卻忽略了身邊重要的人」

不要錯過了好多自己愛的人與愛自己的人。

3. 我希望我更勇於說出自己的感受

許多人為了要和其他人和平共處，而選擇抑制自己的心情感受。
因而讓我們無法成為我們真正能夠成為的人。

其實，我們每個人，都比自己以為的更偉大一些。
而且心事老是放在心裡，是會悶出病的。
醫學證明，有許多心理和生理疾病都和壓抑自己的感受息息相關。

練習說出心裡的真實感受吧，
或許當你最剛開始這麼嘗試的時候，旁人可能會被你的坦白給嚇到，
不過同時這也讓你們之間的關係 提高到另一個更健康的境界，
或者也幫你過濾掉一些其實你根本不需要的虛偽關係。
不管怎麼樣，你都為自己贏得一個最真實的自己，和不後悔的人生。

4. 我希望我能多跟家人、朋友以及重要的人聯絡

自己有多久沒有打通親切的電話給老朋友，有多久沒對他們表達自己的關心和愛。

人生一路走來最重要的不是錢、不是地位、名利、
而是「愛」和「關係」，因為在你一步步走向死亡之際，
只有「愛」和「關係」會陪伴著你，陪你走完最後一哩路。

5. 我希望我可以讓自己更開心

原來許多人一直到死前那一刻才知道，「快樂」其實是一種選擇。
多數人的生活總是走在一樣的循環和舊習慣裡，
儘管不開心，也會勸自己：「忍一忍，一下就過去了。」
豈知道，你這麼忍一忍，忍過的卻是自己的人生。

當你不滿意現狀時，不要忍耐，替自己多想一點，
是不是其實自己值得過更好的人生呢？
生活是種選擇，永遠不要被動地接受，
因為這是你的人生，只有你能為自己決定。
有意識地替自己選擇，對自己誠實，選擇會讓自己快樂的那條路。



原文自: http://www.cmoney.tw/notes/note-detail.aspx?nid=10048

Happiness Hint

2009曾經看過這段很有意思的LIFE BOOK 2009,覺得值得儲存起來再重看, 而且還編印了出來貼在公司枱頭, 並圈了覺得重要並想實行的items, 可惜這些年來原來都只看不做, 都未有實行.

今天再找出來, 再從新選擇現在覺得重要而可以做到的items, 看看能否在2014徹底實行起來.

Health:

1. Drink plenty of water

2. Eat breakfast like a king, lunch like a prince and dinner like a beggar

3. Eat more foods that grow on trees and plants, and eat less food that is manufactured in plants (factory)

4. Live with the 3 E's -- Energy, Enthusiasm, and Empathy

5. Make time for prayer

6. Play more games

7. Read more books than you did in 2008

8. Sit in silence for at least 10 minutes each day

9. Sleep for 7 hours

10. Take a 10-30 minutes walk every day ---- and while you walk, SMILE !!

Personality:

11. Don't compare your life to others'. You have no idea what their journey is all about.

12. Don't have negative thoughts or things you cannot control. Instead invest your energy in the positive present moment.

13. Don't over do ; keep your limits

14. Don't take yourself so seriously ; no one else does

15. Don't waste your precious energy on gossip

16. Dream more while you are awake

17. Envy is a waste of time. You already have all you need..

18. Forget issues of the past. Don't remind your partner with his/her mistakes of the past.That will Ruin your present happiness.

19. Life is too short to waste time hating anyone. Don't hate others.

20. Make peace with your past so it won't spoil the present

21. No one is in charge of your happiness except you

22. Realize that life is a school and you are here to learn. Problems are simply part of the curriculum that appear and fade away like algebra class but the lessons you learn will last a lifetime.

23. Smile and Laugh more

24. You don't have to win every argument. Agree to disagree.

Community:

25. Call your family often

26. Each day give something good to others

27. Forgive everyone for everything

28. Spend time with people over the age of 70 & under the age of 6

29. Try to make at least three people smile each day

30. What other people think of you is none of your business

31. Your job won't take care of you when you are sick.. Your family and friends will. Stay in touch.

Life

32. Do the right things

33. Get rid of anything that isn't useful, beautiful or joyful

34. GOD heals everything

35. However good or bad a situation is, it will change

36. No matter how you feel, get up, dress up and show up !

37. The best is yet to come

38. When you awake alive in the morning, thank GOD for it

39. Your Inner most is always happy. So, be HAPPY !!!!!!!

2014最大願望

2014最大願望當然係身體健康, 所以健康上訂既第一目標就係早睡早起, 適量運動, 均衡飲食:

1.       早睡早起 –要每天睡8小時: 起碼80%日子, 盡量12am前睡, 8am 起身 (這個其實最難)

2.       適量運動 - 每天做瑜珈伸展運動15 – 30分鐘: 起碼80%日子. 一個月行一次山, 全年起碼8次 , 夏天抖暑游泳, 全年起碼8次.

3.       均衡飲食 – 盡量自己煮, 食天然新鮮食材, 一星期煲一次湯, 一個月煮一次大餐比至愛親朋食