週日簡單自煮: 清盈綠茶麵+三文魚頭湯飯

週六扒艇食海鮮, 週日在家大休， 也讓腸胃休息一下
午餐: 清盈綠茶麵。 完全冇加調味只用了浸冬菇水加蠔的鮮味煮清湯麵
晚餐: 三文魚頭湯飯。只用了少許鹽和胡椒粉醃魚， 無加油煎魚
甜品: 北海道直送水蜜桃 ( 噢, 最後一個了...)

簡簡單單, 冷與熱營晚餐

冷與熱營晚餐: 三文魚頭番茄蘿蔔南瓜豆腐湯+ 帶子刺生+秋葵綠茶冷麵+冰鎮車厘子

焗香草三文魚柳 配南瓜蓉+翡翠螺火龍果沙律

墊底既南瓜蓉用左LC Round來蒸，中間既瓜菜用Tagine來炒，仲有最面既三文魚柳用Airfryer來焗, 上菜用了廿幾蚊一隻既白碟, 加埋就係一頓美妙的晚餐

三文魚柳沖洗後抺乾, 用黑胡椒, 海鹽和香草抺勻底面醃10分鐘,  錫紙上薄掃一層橄欖油, 用錫紙包好 入爐180°C 15min.

橙黃色的不是醬汁, 是南瓜蓉. 因為整個餐沒有主食(飯或麵), 加南瓜可以飽肚d. 因為我煮野食煮得好慢, 所以 早上先把半個南瓜蒸熟攪成蓉放在雪櫃, 到焗三文魚時有15min時間, 再拿出來叮番熱, 同時炒瓜菜, 到三文魚焗好時, 就可以全部一齊上碟.