初遇 沖繩 2014仲秋 - Day 1 Outlet Mall Ashibinaa

第一天到達沖繩機場是兩點半,  落機雖然已經是三點 ，但因為 outlet離機場比較近，所以決定從機場直接去outlet逛逛. 從機場搭巴士95號可以直達outlet, 車費250， 但班次比較疏落, 一小時才有一班， 我地拿了行李又拿了地圖, 搭四點的巴士.

去到outlet大約四點半， 因為不想行完outlet再回機場再搭單軌鐵路到酒店，所以下車後即時問了職員哪裡可以有巴士搭回我們的酒店附近， 再去找到巴士站在哪裡， 就在outlet找行李存放處。 之前已經上網知道這裡有大型行李存放處， 但想不到原來好似是一間小小的便利店， 行李會放在收銀後面的儲物室， 每件100 yen， 開放時間至 當天晚上8點， 所以不要行到 outlet關門最後才過來，要早小小 回來取行李。

跟住我地就要搵野食啦， 第一次搭香港航空， 包午餐， 但估唔到是只有一個包和一杯橙汁， 搞到我非常後悔無入lunge食一個豐富大餐先上機。

Outlet唔係有太多 食肆，放完行李望上去斜對面二樓, 見到呢間樂風, 環境望落去幾好, 就唔多揀坐低。 睇menu一眼見到呢個店長推介既炊飯，沖繩既米， 加八種唔同嘅山海食材來煮， 就這樣我地用好快既時間，同好平的價錢, 食左我地係沖繩的第一碗好飯。 食完飯後見到餐廳來有很多琉球既精緻擺設， 好似一個小型展覽， 忍不住要留步欣賞一番。

搞掂曬所有野再醫好個肚，我地終於可以行街街， 已經係五點， 但仲有3個鐘頭，應該夠我地行。
餐廳旁邊已經有一間100 yen shop - Can*Do, 比一般100 Yen Shop, 物品展視得更精美，很好逛， 可惜時間有限。

跟著在地圖 選擇了我地 最想逛 的鋪頭， 就直接去。 當然有去新開的LC Outlet，店舖比較細，也沒有特別顏色弍款式的貨品， 所以看看就夠了。 May在outlet買了一些東西， 我本來一樣都買不到， 但竟然最後在買了一條超值的牛仔褲， 病左都有個好處， 估唔到可以著得番落中學時代既 24" 低腰貼身褲， 但係試身時 雖然著得落, 但實在太緊好辛苦， 雖然都幾好睇， 但而家已經係追求舒適為主，不過由14000減到2000 yen, 唔買好似對唔住自己， 加上May話牛仔褲係會越著越鬆， 所以就買喇。 係沖繩有一日 比較凍,  著左 做打底褲 ， 開頭好緊， 點知真係愈著愈舒服， 結果呢個冬天成為我著得最多的牛仔褲， 真係冇買錯！

逛到outlet關門， 我地直接搭巴士去県庁北口站， 舒舒服服，唔洗 搭巴士再轉輕軌鐵路， 搬上搬落， 一程車， 大約8點 40分 就到了. 原來RYUBO百貨公司就在巴士站前， 我們落去下面Basement的美食街， 找了這間田舍料理，我地點了這個期間限定既豚肉麵食， 加一個沖繩苦瓜定食share. 第一個晚餐, 是這樣一個簡單而好味既琉料理晚餐。滿足地食飽飯，拖著行李， 慢慢找我們將會留宿六晚的民宿。 遲些再介紹這間 我地住得非常滿意既 月桃民宿。